مسقعه باللحم المفروم

احلي اكله في الدنيا بما اني مدمنه بذنجان بكل انواعه ، بس الطريقه بتاعتي شويه بتقلل من حده البذنجان و في نفس الوقت الطعم هايل و ده ميمنعش من تخمه برده.....

المكونات:

٤ بذنجان رومي ( وسط)

١/٢ كيلو لحمه مفرومه

٢ بصله

١ بطاطس

١ فلفل رومي

ملح - فلفل - بهارات

كيس بشاميل

١/٤ معلقه سمن

التحضير:

اول حاجه هنقشر البذنجان و البطاطس و نغسلهم. نقطع البذنجان داوير نصف سميكه و البطاطس صوابع و نقطع الفلفل الرومي الي اربع ارباع بالطول و هنرش ملح عليهم و نسيبهم.

هنعصج اللحم: نضرب البصله في الكابه و بعد كده في قلايه هنحط معلقه سمن عليها البصل و اللحمه و حبه ملح و فلفل اسود و البهارات و نقلب من وقت للتاني لحد ما تستوي،  و هنسيبها علي جنب

هنجيب قلايه فيها زيت كتير لقلي الخضار (البطاطس و البذنجان و الفلفل )و نبتدي بالبطاطس بعد كده الفلفل و اخر حاجه البذنجان.

اما البشاميل هنجيب ٤ كوبيات لبن في حله و نحط عليهم البشاميل ، ملح و فلفل و ربع معلقه سمن و نفضل نقلب لحد ميبتدي يتقل هنطفي عليه و نسيبه .

التسويه:

 في قالب بيركس او سنيه هنبتدي نرص البذنجان و بعد كده الطاطس و الفلفل الاخضر و فوقيهم اللحمه المعصجه و بذنجان تاني و بعد كده البشاميل و ندخل الفرن علي حراره ١٨٠ لحد منلاقي البشاميل ابتدي يمسك و زيت البذنجان ابتدي يغلي... هنوطي النار لمده ١٠ دقايق و بعد كده نولع الشوايه لحد ما الوش يتحمر.... و بس كده

...الف هنا

شوربه العدس

شوربه العدس هي من اكتر الاكلات المفيده و اللذيذه في الشتاء.... طريقتها و تحضيرها مش صعبين خالص و مكوناتها متوفره علي طول، احنا بس هنزود عليها حاجات بسيطه.

المكونات:

كيس عدس اصفر او ٣ اكواب
٢ بصله وسط
٤ فصوص ثوم
٢ حبه طماطم
٣ حبات جزر صغير
ملح - كمون
فنجان كريمه لباني
فنجان شعريه --- للي يحب
رغيف عيش شامي----للي يحب برده 



التحضير

هنحتاج طبعا حله كبيره و خلاط
هنقطع البصل و الجزر و الطماطم قطع هلاليه او يعني قطع وسط و هنقشر الثوم و نسيبه صحيح
هنغسل العدس كويس و نصفيه
  هنحمر الشعريه في معلقه زبده بلدي و نحطها علي جنب
هنحمر العيش في معلقه زيت و برده هنسيبه علي جنب















التسويه:
هنحط العدس علي الجزر و البصل و الطماطم و فصوص الثوم في الحله و هنغطيهم بالميه و علي نار متوسطه هنغطيهم و نسيبهم لحد لما الجزر و البصل يستوي خالص

 .
بعد كده هنستني لما يهدوا من السخونيه شويه و نحطهم في الخلاط ونضرب .
اول ما كل المكونات تنخلط و تبقي زي الميه هنفضيها في الحله و تاني علي النار الهاديه و هنحط الملح و الكمون و فنجان الكريمه اللباني و فنجان الشعريه المحمره(لو بنحب الشعريه) و اول مايغلي نطفي و نسيب الحله متغطيه لحد منقدم















 هنحط العيش المحمر علي وش الطبق للي يحب
و بس كده

 

كفته الفراخ بالزبادي

المكونات

١ كيلو فراخ صدور مخلي
١ بيضه
ملح و فلفل
١ بصله متوسطه
اسياخ خشب
للتقديم
رغيف شامي
١ زبادي
فص ثوم


الطريقه

هنقطع الفراخ و البصل قطع متوسطه و عليهم بقي المكونات و نضربهم و الكبه او الخلاط بس مش كتير اول ما كل المكونات تتخلط و تبقي متماسكه.
بعد كده هنعمل منها صوابع علي الاسياخ الخشب و بحطها علي سينيه مفروده و ندخلها الفرن. نقلبها علي الشين لحد ما تتحمر

   التقديم
هنفرش الرغيف الشامي علي طبق مفرود و هنحط عليه الكغته و نكون محضرين الزبادي مع الثوم و نحطهم فوق الفراخ.

و بالهنا

 

Introduction

Msh Kimiah, is my blog to anyone who wants to know how to cook and even those who know how to, i will post every single trick i know to make your food and beverages more delicious and more crazy.....

My recipes will be a subject of modification too if you have more ideas and several ways you tried it, the important is to enjoy what you are eating or drinking.

My motto:
" You have to add some fat to spice your diet"